"Heydər Əliyev və Azərbaycan mediası" mövzusunda konfrans keçirilib - WWW.KIVDF.GOV.AZ
XƏBƏRLƏR18.05.2018

"Heydər Əliyev və Azərbaycan mediası" mövzusunda konfrans keçirilib



image

Mayın 18-də Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu və Qaradağ Rayon İcra Hakimiyyətinin birgə təşkilatçılığı ilə "Heydər Əliyev və Azərbaycan mediası" mövzusunda konfrans keçirilib. Tədbir çərçivəsində, həmçinin, birgə elan edilmiş "Qaradağ rayonunun sosial-iqtisadi inkişafı: real vəziyyət və perspektivlər" mövzusunda fərdi jurnalist yazıları müsabiqəsinin nəticələri açıqlanıb, qaliblər mükafatlandırılıblar.


Heydər Əliyev Mərkəzində keçirilən tədbirdə Qaradağ Rayon İcra Hakimiyyətinin başçısı Süleyman Mikayılov, Fondun icraçı direktoru Vüqar Səfərli, Azərbaycan Mətbuat Şurasının sədri, Milli Məclisin deputatı Əflatun Amaşov, "Yeni Azərbaycan" qəzetinin baş redaktoru, Milli Məclisin deputatı Hikmət Məmmədov, Fondun Müşahidə Şurasının sədri Həsən Həsənov, habelə ölkənin 20-dək aparıcı kütləvi informasiya vasitələrinin rəhbərləri və müsabiqədə qalib olmuş jurnalistlər iştirak ediblər.

Qaradağ Rayon İcra Hakimiyyətinin başçısı Süleyman Mikayılov qonaqları və media təmsilçilərini salamlayaraq ümummilli lider Heydər Əliyevin anadan olmasının 95-ci ildönümünə həsr olunmuş tədbirin ulu öndərin zəngin dövlətçilik irsinin öyrənilməsi baxımından əhəmiyyətini qeyd edib. Ulu öndərin hələ sovetlər birliyi dövründə Azərbaycanın gələcək müstəqilliyi üçün hərtərəfli zəmin hazırladığını deyən S.Mikayılov o illərdə Bakı şəhərində böyük tikinti-quruculuq işlərinin həyata keçirildiyini, yeni qəsəbələrin, yaşayış massivlərinin salındığını diqqətə çatdırıb.

Ümummilli liderin müstəqil Azərbaycana rəhbərliyi illərində Bakının Qaradağ rayonunun sürətli inkişaf yolu keçdiyini deyən S.Mikayılov bu siyasətin son 15 ildə Azərbaycan Prezidenti cənab İlham Əliyev tərəfindən uğurla davam etdirildiyini vurğulayıb. 2018-ci ilin ötən dövrünün Qaradağ rayonu üçün bir sıra əlamətdar hadisələrlə zəngin olduğunu deyən rayon icra hakimiyyətinin başçısı mayın 14-də dövlətimizin başçısı cənab İlham Əliyevin iştirakı ilə rayonun Ələt qəsəbəsində strateji əhəmiyyətli Beynəlxalq Dəniz Limanının istifadəyə verilməsini xüsusi qeyd edib. O bildirib ki, yeni liman Azərbaycanın beynəlxalq tranzit-kommunikasiya imkanlarını daha da genişləndirməklə ildə 15 milyon tondan çox yükün daşınmasına imkan verir.

S.Mikayılov son illər rayon icra hakimiyyəti ilə jurnalistlər arasında sıx və məhsuldar əlaqələrin genişləndirilməsi baxımından Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu ilə əməkdaşlığın əhəmiyyətli olduğunu bildirib və sözü qurumun icraçı direktoru Vüqar Səfərliyə verib.

Fondun icraçı direktoru Vüqar Səfərli tədbir iştirakçılarını salamlayaraq bildirib ki, ümummilli lider Heydər Əliyevin anadan olmasının 95-ci ildönümünə həsr olunmuş konfransın keçirilməsində məqsəd dahi şəxsiyyətin Azərbaycan dövlətçiliyi qarşısındakı misilsiz xidmətlərinə, eləcə də medianın inkişafı sahəsində gördüyü böyük işlərə bir daha nəzər salmaqdır.

V.Səfərli dövlət müstəqilliyinin ilk illərində söz, fikir və məlumat azadlıqlarının təminatı sahəsində də ciddi problemlərin olduğunu, mətbuatın ciddi təzyiqlərlə üzləşdiyini xatırladıb. Bu acınacaqlı vəziyyətin yalnız ulu öndər Heydər Əliyevin xalqın istəyi ilə 1993-cü ilin iyununda hakimiyyətə gəlişindən sonra aradan qalxdığını deyən V.Səfərli 1995-ci ildə qəbul olunmuş Azərbaycan Konstitusiyasının 50-ci maddəsində hər kəsin söz, fikir, məlumat əldə etmək və yaymaq hüququnun təsbit edildiyini vurğulayıb.

Ümummilli liderin 1998-ci il 6 avqust tarixli fərmanı ilə mətbuat üzərində senzuranın ləğvini mətbuatın inkişafında keyfiyyətcə yeni mərhələ kimi dəyərləndirən icraçı direktor, sonrakı dövrdə medianın maddi-texniki bazasının möhkəmləndirilməsi, mükəmməl qanunvericilik bazasının formalaşdırılması istiqamətində həyata keçirilən tədbirlərdən söz açıb. V.Səfərli bildirib ki, 1999-cu ildə "Kütləvi informasiya vasitələri haqqında" qanunun qəbulu, 2000-ci ildə Mətbuat və İnformasiya Nazirliyinin ləğv edilməsi, 2003-cü ildə Azərbaycan Mətbuat Şurasının yaradılması müasir mətbuat tariximizə ən parlaq səhifələr kimi daxil olub.

V.Səfərli bildirib ki, ümummilli liderin mediaya qayğı siyasətini layiqincə davam etdirən Azərbaycan Respublikasının Prezidenti cənab İlham Əliyevin rəhbərliyi ilə ölkəmizdə söz, fikir və məlumat azadlıqlarının təmini, mətbuatın maddi-texniki bazasının möhkəmləndirilməsi istiqamətində ardıcıl tədbirlər həyata keçirilir. İcraçı direktor qeyd edib ki, Azərbaycan Respublikasının Prezidenti cənab İlham Əliyevin 2008-ci ilin 31 iyulunda imzaladığı sərəncamla "Azərbaycan Respublikasında Kütləvi İnformasiya Vasitələrinə Dövlət Dəstəyi Konsepsiyası"nın təsdiq edilməsi medianın inkişafına yeni təkan verib. Konsepsiyadan irəli gələn vəzifələrin gerçəşləşdirilməsi üçün 2009-cu ilin aprelində Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu yaradılıb.

Çıxışını davam etdirən icraçı direktor ötən illərdə Fondun mətbuatın maddi-texniki bazasının möhkəmləndirilməsi, jurnalistlərin sosial vəziyyətinin yaxşılaşdırılması, mərkəzi və yerli icra hakimiyyəti orqanları ilə kütləvi informasiya vasitələri arasında əməkdaşlığın genişləndirilməsi istiqamətində həyata keçirdiyi layihələr barədə ətraflı məlumat verib.

Tədbirdə çıxış edən Azərbaycan Mətbuat Şurasının sədri, Milli Məclisin deputatı Əflatun Amaşov bildirib ki, ulu öndər Heydər Əliyevin 1993-cü ildə hakimiyyətə qayıdışı ilə Azərbaycan dövləti xaos və anarxiyadan, vətəndaş müharibəsi təhlükəsindən xilas olaraq davamlı tərəqqi və inkişaf mərhələsinə qədəm qoyub. Heydər Əliyevin islahatçı lider olduğunu vurğulayan Ə.Amaşov onun rəhbərliyi ilə 1993-2003-cü illərdə siyasi və hüquqi sahədə genişmiqyaslı islahatların aparıldığını, xüsusilə də müstəqil medianın formalaşdığını diqqətə çatdırıb.

"Yeni Azərbaycan" qəzetinin baş redaktoru, Milli Məclisin deputatı Hikmət Məmmədov ulu öndər Heydər Əliyevin hələ ötən əsrin 70-80-ci illərində Azərbaycan dilinin, milli özünüdərkin inkişafı, respublika üçün milli kadrların hazırlanması istiqamətində həyata keçirdiyi tədbirlərdən söz açıb. O bildirib ki, Heydər Əliyev müstəqillik illərində ölkədə siyasi sabitliyi inzibati üsullarla deyil, məhz milli intellektual resurslar hesabına, informasiyanın gücü ilə təmin etməklə respublikanın dayanıqlı inkişafına nail olub.

Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun Müşahidə Şurasının sədri, "Xalq qəzeti"nin baş redaktoru Həsən Həsənov Azərbaycan mətbuatının inkişafının hələ ötən əsrin 70-80-ci illərindən ulu öndər Heydər Əliyevin xüsusi diqqət mərkəzində olduğunu xatırladıb. H.Həsənov bildirib ki, müstəqillik illərində ölkədə söz, fikir və məlumat azadlıqlarının yüksək səviyyədə mövcud olduğu pluralist cəmiyyətin formalaşması məhz ümummilli liderin tarixi xidmətləri ilə bağlıdır.

"İki Sahil" qəzetinin baş redaktoru, Mətbuat Şurasının İdarə Heyətinin üzvü Vüqar Rəhimzadə çıxışında bildirib ki, müasir Azərbaycanın müstəqil dövlət kimi mövcudluğunu qoruyub saxlaması və böyük uğurlara imza atması ümummilli lider Heydər Əliyevin adı ilə bağlıdır. O, həmçinin bildirib ki, son 15 ildə ulu öndərin siyasətini bütün sahələrdə inamla davam etdirən Azərbaycan Prezidenti İlham Əliyev cəmiyyətin inkişafında və mövcud problemlərinin həllində medianın rolu və imkanlarını yüksək dəyərləndirir.

Çıxışlardan sonra Fondun Qaradağ Rayon İcra hakimiyyəti ilə birgə keçirdiyi "Qaradağ rayonunun sosial-iqtisadi inkişafı: real vəziyyət və perspektivlər" mövzusunda fərdi jurnalist yazıları müsabiqəsinin nəticələri açıqlanıb.

Fondun icraçı direktoru Vüqar Səfərli bildirib ki, müsabiqənin təşkilində məqsəd medianın Qaradağ Rayon İcra Hakimiyyəti ilə əlaqələrinin daha da genişləndirilməsi, rayonda əldə olunmuş nailiyyətlərin ictimaiyyətə dolğun və obyektiv şəkildə çatdırılması, habelə jurnalistlərin yaradıcı əməyinin stimullaşdırılmasıdır. İcraçı direktor 2018-ci il fevralın 23-dən aprelin 27-dək davam edən müsabiqəyə 27 kütləvi informasiya vasitəsindən 42 yazının təqdim edildiyini bildirib. V.Səfərli bildirib ki, müsabiqənin elanında əksini tapmış şərtlərə əsasən 6 nəfər jurnalistə əsas, 10 nəfər jurnalistə həvəsləndirici mükafatların verilməsi nəzərdə tutulmuşdu: "Lakin Qaradağ rayon rəhbərliyi ilə əldə olunmuş razılığa əsasən, sonradan həvəsləndirici mükafatların sayı 20-yə qaldırıldı. Bu gün 26 nəfər müsabiqə iştirakçısının mükafatlandırılması nəzərdə tutulur".

Sonra müsabiqənin qaliblərinə diplom və mükafatlar təqdim edilib.

Qalibləri təbrik edən icraçı direktor Vüqar Səfərli birgə müsabiqənin təşkilinə görə Qaradağ Rayon İcra Hakimiyyətinin rəhbərliyinə təşəkkürünü bildirib.

Tədbiri yekunlaşdıran Qaradağ Rayon İcra Hakimiyyətinin başçısı Süleyman Mikayılov birgə müsabiqənin təşkilinə və media ilə əməkdaşlığın genişləndirilməsindəki xidmətlərinə görə Fondun rəhbərliyinə təşəkkürünü bildirib, belə müştərək layihələrin gələcəkdə də davam etdiriləcəyini vurğulayıb.


"Qaradağ rayonunun sosial-iqtisadi inkişafı:
real vəziyyət və perspektivlər”

Yerlər

Müəllifin adı

Müəllifin işlədiyi KİV

Orta bal

1.

I yer

Səfərova Samirə Məmmədhənifə qızı

"Bakı-Xəbər" qəzetinin baş redaktor müavini

20

2.

II yer

Mehdizadə Şəbnəm İsmixan qızı

"Kaspi" qəzetinin müxbiri

19,3

3.

II yer

Bayramov Mübariz Ramiz oğlu

"Mövqe" qəzetinin müxbiri

19

4.

III yer

Niftəliyeva Ülviyyə Vahid qızı

"Xalq qəzeti"nin müxbiri

18,6

5.

III yer

Salmanova Nərgiz Allahverən qızı

"Yeni Müsavat" qəzetinin müxbiri

18,6

6.

III yer

Rəsulova İlhamə Loğman qızı

"Bizim Yol" qəzetinin redaktoru

18,3

7.

Həvəsləndirici

Xankişiyeva İlhamə Əbülfət qızı

"Teleqraf.com" İnformasiya Agentliyinin müxbiri

18

8.

Həvəsləndirici

Rəhimov Təbriz Kamal oğlu

"Həftə içi" qəzetinin redaktoru

18

9.

Həvəsləndirici

Miriyev Anar Barat oğlu

"Palitra" qəzetinin şöbə müdiri

18

10.

Həvəsləndirici

Əliyeva Qaliya Sosialovna

"Kaspiy" qəzetinin şöbə müdiri

18

11.

Həvəsləndirici

İsmayılov Qismət Eyyub oğlu

"Səs" qəzetinin şöbə müdiri

17,6

12.

Həvəsləndirici

Cəlilova Günel İsa qızı

"Bakı-Xəbər" qəzetinin müxbiri

17,6

13.

Həvəsləndirici

Əhmədov Namiq Qədim oğlu

"Xalq qəzeti"nin müxbiri

17,3

14.

Həvəsləndirici

Həsənov İsgəndər Aqil oğlu

"525-ci qəzet"in redaktoru

17,3

15.

Həvəsləndirici

Əliyev Seymur Elman oğlu

"Moderator.az" saytının redaktoru

17,3

16.

Həvəsləndirici

Mahmudlu Sübhan İlqar oğlu

"Ədalət" qəzetinin müxbiri

17,3

17.

Həvəsləndirici

Abdullayev Anar Bayram oğlu

"Şərq" qəzetinin redaktoru

17,3

18.

Həvəsləndirici

Umudlu Gülcahan Mirqədir qızı

"Mədəniyyət" qəzetinin müxbiri

17,3

19.

Həvəsləndirici

İbrahimov Əli Zülfüqar oğlu

"Xalq Cəbhəsi" qəzetinin müxbiri

17,3

20.

Həvəsləndirici

Hümmətov Aqşin Şahin oğlu

"Yeni Azərbaycan" qəzetinin şöbə redaktoru

17,3

21.

Həvəsləndirici

Məmmədov Əsəd Fehruz oğlu

"AZƏRTAC" İnformasiya Agentliyinin redaksiya müxbiri

17

22.

Həvəsləndirici

Əliyev Azad Akif oğlu

"Həftə içi" qəzetinin redaktoru

17

23.

Həvəsləndirici

Hüseynova Pərvanə Rafiq qızı

"The Business Times" qəzetinin müxbiri

17

24.

Həvəsləndirici

Bağırov Rəşad Bağır oğlu

"İki sahil" qəzetinin baş redaktor müavini

17

25.

Həvəsləndirici

Əhmədov Anar Məsub oğlu

"Olimpiya dünyası" qəzetinin şöbə müdiri

17

26.

Həvəsləndirici

Bayramlı Jalə Etibar qızı

"Səs" İnformasiya Agentliyinin müxbiri

16,6

27.

Abdullayeva Nigar Nizami qızı

"Palitra" qəzetinin müxbiri

16,3

28.

Hüseynli Alim Ziyadxan oğlu

"Olaylar" qəzetinin müxbiri

16,3

29.

Mustafayeva Xəyalə Süleyman qızı

"Fakt-Araşdırma Təhlil" Analitik İ.A.-nin baş redaktoru

16,3

30.

Məmmədova Xəyalə Rəis qızı

"Kaspi" qəzetinin müxbiri

16

31.

Şahverdiyev Cavid Nadir oğlu

"Xalq Cəbhəsi" qəzetinin müxbiri

16

32.

Cürənov Ramiz Mikayıl oğlu

"Azəri-Press Agentliyi" nin müxbiri

16

33.

Sultan Rüfət Nadir oğlu

"Mövqe" qəzetinin müxbiri

16

34.

Abdullayev Ayyət Əhməd oğlu

"Şərq" qəzetinin redaktoru

15,6

35.

İsrafilov Orxan Vahid oğlu

"İki sahil" qəzetinin bölmə müdiri

15,6

36.

Baxşalıyev Sabir Məhiş oğlu

"Həftə içi" qəzetinin müxbiri

15,6

37.

Sarıyeva Qızılgül Elsevər qızı

"Mövqe" qəzetinin müxbiri

15,6

38.

Qurbanova Aysel Aslan qızı

"Şərq" qəzetinin müxbiri

15,3

39.

Əhədov Ehtibar Əliağa oğlu

"Aşkarlıq" qəzetinin baş redaktoru (Lənkəran)

15

40.

Sarıyeva İradə Murad qızı

"Bakı-Xəbər" qəzetinin müxbiri

15

41.

Hüseyinova Cəmilə Aslan qızı

"Həftə içi" qəzetinin müxbiri

14,6

42.

Qiyasova İradə Qurban qızı

"The Business Times" qəzetinin müxbiri

13,3