Fondun "Azərişıq" ASC ilə birgə keçirdiyi müsabiqənin nəticələri açıqlanıb - WWW.KIVDF.GOV.AZ
XƏBƏRLƏR19.10.2016

Fondun "Azərişıq" ASC ilə birgə keçirdiyi müsabiqənin nəticələri açıqlanıb



image

Oktyabrın 19-da Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondu və "Azərişıq" ASC-nin birgə təşkil etdikləri "İstehlakçıların keyfiyyətli enerji təminatı: görülmüş işlər, real vəziyyət və perspektivlər" mövzusunda fərdi jurnalist yazıları müsabiqəsinin nəticələri açıqlanıb, qaliblər mükafatlandırılıblar.

Mükafatlandırma mərasimi "Azərişıq" ASC-nin Buzovna qəsəbəsində yerləşən 110/35/10 KvT-luq Buzovna-2 yarımstansiyasında keçirilib. Tədbirdə Fondun icraçı direktoru Vüqar Səfərli, "Azərişıq" ASC-nin sədr müavinləri - Ramil Yusifov və Vüqar Əhmədov, Milli Məclisin deputatı, Azərbaycan Mətbuat Şurasının sədri Əflatun Amaşov, habelə ölkənin 20-dək aparıcı kütləvi informasiya vasitələrinin rəhbərləri və qalib jurnalistlər iştirak ediblər.

Tədbir iştirakçılarına əvvəlcə yarımstansiyasının fəaliyyəti, burada yaradılan iş şəraiti ilə yaxından tanışlıq imkanı yaradılıb, habelə media nümayəndələrini maraqlandıran suallar cavablandırılıb.

Tədbiri giriş sözü ilə açan "Azərişıq" ASC-nin sədr müavini Ramil Yusifov qonaqları salamlayaraq son illər istehlakçıların keyfiyyətli enerji təminatı sahəsində kompleks tədbirlərin həyata keçirildiyini, infrastrukturun müasirləşdirildiyini, qabaqcıl texnologiyaların tətbiq edildiyini diqqətə çatdırıb. "Azərişıq" ASC-nin sədr müavini ölkə rəhbərliyi tərəfindən müəyyənləşdirilmiş strateji vəzifələrə müvafiq olaraq "Azərişıq" ASC-nin istehlakçıların etibarlı və dayanıqlı elektrik enerji ilə təchizatı istiqamətində sistemli iş apardığını xüsusi vurğulayıb. O, həmçinin qeyd edib ki, Azərbaycan Respublikasının Prezidenti cənab İlham Əliyevin 10 fevral 2015-ci il tarixli sərəncamı ilə "Bakıelektrikşəbəkə" ASC-nin bazasında "Azərişıq" ASC-nin yaradılması bu sahədə həyata keçirilən islahatların səmərəliliyini və miqyasını daha da artırıb.

R.Yusifov respublika üzrə 44 ədəd 110 KVT-luq yarımstansiyanın tikilərək istifadəyə verildiyini, 2006-cı ildən bəri Bakı şəhəri üzrə elektrik enerjisi yüklərinin 3048 meqavoltamperdən 6440 meqavoltamperədək artırıldığını, texniki itkilərin 16,8 faizdən 8,2 faizə endiyini bildirib. Sədr müavini respublikanın regionlarında həyata keçirilən layihələr barədə də ətraflı məlumat verib.

R.Yusifov Fondla birgə keçirilmiş fərdi jurnalist yazıları müsabiqəsinin ölkənin elektrik enerjisi təsərrüfatının müasirləşdirilməsi və əhalinin enerjiyə tələbatının ödənilməsi istiqamətində görülən işlərin ictimaiyyətə dolğun şəkildə çatdırılması baxımından əhəmiyyətini vurğulayıb. Sədr müavini müsabiqənin nəticələri barədə ətraflı danışmaq üçün sözü Fondun icraçı direktoru Vüqar Səfərliyə verib.

Tədbir iştirakçılarını salamlayan Vüqar Səfərli media nümayəndələrinin iştirakı ilə "Azərişıq" ASC-nin Buzovna qəsəbəsində yerləşən yarımstansiyasında keçirilən tədbiri jurnalistlərin sözügedən müəssisənin fəaliyyəti, enerjinin yayımı prosesi, habelə buradakı müasir texniki qurğularla əyani tanışlığı baxımından yüksək dəyərləndirib.

İcraçı direktor bütün sahələrdə dinamik inkişaf edən Azərbaycanda enerji təsərrüfatının təkmilləşdirilməsi və müasirləşdirilməsi sahəsində ardıcıl islahatların həyata keçirildiyini, nəticədə ötən əsrin 90-cı illərində bu sahədə mövcud olan problemlərin tamamilə aradan qalxdığını diqqətə çatdırıb.

Vüqar Səfərli oktyabrın 20-si tarixinin ölkəmizdə Energetiklər günü kimi qeyd olunduğunu diqqətə çatdıraraq "Azərişıq" ASC-nin rəhbərliyini və çoxsaylı kollektivini media nümayəndələri adından peşə bayramı münasibətilə təbrik edib, onlara işlərində uğurlar arzulayıb.

Çıxışını davam etdirən Vüqar Səfərli bildirib ki, Fondun əsas fəaliyyət istiqamətlərindən biri də mərkəzi və yerli icra hakimiyyəti orqanları arasında qarşılıqlı faydalı əməkdaşlığın genişləndirilməsidir. Bu məqsədlə Fond müxtəlif dövlət qurumlarında görüşlər, habelə birgə fərdi jurnalist yazıları müsabiqələri təşkil edir. İcraçı direktor qeyd edib ki, "Azərişıq" ASC ilə birgə keçirilmiş müsabiqənin məqsədi Azərbaycanda enerji təsərrüfatının inkişafı və infrastrukturun yenidənqurulması sahəsində həyata keçirilən tədbirlərin ictimaiyyətə çatdırılmasında peşəkar jurnalist əməyini stimullaşdırmaq, jurnalistlərin peşəkarlıq səviyyəsini yüksəltmək və sosial vəziyyətlərini yaxşılaşdırmaq olub.

Vüqar Səfərli sentyabırn 21-dən oktyabrın 14-dək davam edən müsabiqəyə 25 KİV-dən 35 yazının təqdim edildiyini, yazıların 3 ekspert tərəfindən qiymətləndirildiyini bildirib: "Müsabiqənin elanında göstərilmiş şərtlərə əsasən, 6 nəfər jurnalistə əsas, 10 nəfərə həvəsləndirici mükafatların verilməsi qərara alınmışdı. Lakin müsabiqəyə təqdim olunan yazıların çoxluğu, balların oxşarlığı, habelə jurnalistlərin zəhməti nəzərə alınaraq, "Azərişıq" ASC-nin sədri Balababa Rzayevlə əldə olunmuş razılığa əsasən, həvəsləndirici yerlərin sayı daha 9 ədəd qaldırıldı".

Tədbirdə çıxış edən Milli Məclisin deputatı, Azərbaycan Mətbuat Şurasının sədri Əflatun Amaşov energetiklərin peşə bayramı münasibətilə "Azərişıq" ASC-nin çoxsaylı kollektivini təbrik edərək elektrik enerji təsərrüfatının Azərbaycanın dinamik inkişafı ilə uzlaşdığını, bu sahədə mühüm layihələrin həyata keçirildiyini vurğulayıb. O əldə olunan uğurlarda "Azərişıq" ASC-nin kollektivinin gərgin əməyini və peşəkarlığını xüsusi diqqətə çatdırıb.

"Azərişıq" ASC-nin sədr müavini Vüqar Əhmədov müsabiqədə və tədbirdə fəal iştirak edən media nümayəndələrinə təşəkkürünü bildirərək belə tədbirlərin qarşılıqlı əlaqələrin genişləndirilməsi və ictimaiyyətin aparılan islahatlar barədə ətraflı məlumatlandırılması baxımından əhəmiyyətini qeyd edib.

Sonra müsabiqənin qaliblərinə diplom və mükafatlar təqdim edilib (Qaliblərin siyahısı aşağıdakı cədvəldə təqdim olunur).

Qalibləri təbrik edən icraçı direktor Vüqar Səfərli eyni zamanda media ilə səmərəli əməkdaşlığa görə "Azərişıq" ASC-nin rəhbərliyinə təşəkkürünü bildirib.

Tədbiri yekunlaşdıran "Azərişıq" ASC-nin sədr müavini Ramil Yusifov qurumun media ilə əlaqələrinin inkişafına verdiyi töhfəyə görə Fondun rəhbərliyinə, eləcə də müsabiqədə iştirak edən jurnalistlərə təşəkkürünü bildirərək belə müştərək layihələrin gələcəkdə də davam etdiriləcəyini vurğulayıb.


Yerlər

Müəllifin adı

Müəllifin işlədiyi KİV

Orta bal

1.

I yer

Məmmədli Səxavət Musa oğlu

"Həftə içi" qəzetinin müxbiri

21

2.

II yer

Dadaşov Maqsud Adil oğlu

"AZƏRTAC" İnformasiya Agentliyinin müxbiri

20,3

3.

II yer

Bayramov Mübariz Ramiz oğlu

"Mövqe" qəzetinin müxbiri

20

4.

III yer

İsmayılov Rufik Afis oğlu

"Kaspi" qəzetinin müxbiri

19,6

5.

III yer

Səfərova Samirə Məmmədhənifə qızı

"Bakı-Xəbər" qəzetinin baş redaktor müavini

19,3

6.

III yer

Nəsirov Rauf Yədulla oğlu

"Bakinskiy raboçiy" qəzetinin şöbə müdiri

19

7.

Həvəsləndirici

Bayramov Vaqif Binyat oğlu

"Xalq qəzeti"nin müxbiri

18,6

8.

Həvəsləndirici

Xəlilova Tamilə Xəlilovna

"Kaspiy" qəzetinin şöbə müdiri

18,6

9.

Həvəsləndirici

Əliyev Məhərrəm Ağalar oğlu

"İki sahil" qəzetinin müxbiri

18,6

10.

Həvəsləndirici

Məmmədov Seymur Fərhad oğlu

"Day.az" İnformasiya Agentliyinin baş redaktor müavini

18,3

11.

Həvəsləndirici

Abdullayev Mübariz Əhməd oğlu

"Yeni Azərbaycan" qəzetinin müxbiri

18

12.

Həvəsləndirici

Quliyeva Samirə Hüseyn qızı

"525-ci qəzet"in müxbiri

18

13.

Həvəsləndirici

Qocayev İsmayıl Arif oğlu

"Şərq" qəzetinin müxbiri

18

14.

Həvəsləndirici

Vəliyev Fariz Əhməd oğlu

"Futbol+Qol" qəzetinin baş redaktoru

18

15.

Həvəsləndirici

İbrahimov Ramid Ələsgər oğlu

"Bizim Yol" qəzetinin müxbiri

18

16.

Həvəsləndirici

Muradova Gülqız Nəbi qızı

"Azernews" qəzetinin baş redaktor müavini

17,6

17.

Həvəsləndirici

Cavadzadə Nərgiz Ehlam qızı

"Teleqraf.com" xəbər portalının müxbiri

17,6

18.

Həvəsləndirici

Hüseynli Alim Ziyadxan oğlu

"Olaylar" qəzetinin müxbiri

17,6

19.

Həvəsləndirici

Abbaslı Tahir Tapdıq oğlu

"Paralel" qəzetinin müxbiri

17,6

20.

Həvəsləndirici

Şahbazov Surxay Qəhrəman oğlu

"Region press" qəzetinin baş redaktoru

17,6

21.

Həvəsləndirici

İsgəndərov Hüseyn Şahbaz oğlu

"Unikal" qəzetinin redaktoru

17,6

22.

Həvəsləndirici

Abbasov Tahir Heydər oğlu

"Mədəniyyət" qəzetinin müxbiri

17,3

23.

Həvəsləndirici

Əliyev Seymur Telman oğlu

"Hürriyyət" qəzetinin müxbiri

17,3

24.

Həvəsləndirici

Səmədov Rahib Sahib oğlu

"Olimpiya dünyası" qəzetinin şöbə müdiri

17,3

25.

Həvəsləndirici

İsgəndərov Araz Qurban oğlu

"The Business Times" qəzetinin müxbiri

17,3

26.

İsrafilov Orxan Vahid oğlu

"İki sahil" qəzetinin bölmə müdiri

17

27.

Bayramov Nardar Məmməd oğlu

"Yeni Azərbaycan" qəzetinin müxbiri

17

28.

Xudaşov Vidadi Xudayar oğlu

"Bakı-Xəbər" qəzetinin müxbiri

16

29.

Abdullayev Ayyət Əhməd oğlu

"Şərq" qəzetinin müxbiri

16

30.

Cəlilova Günel İsa qızı

"Bakı-Xəbər" qəzetinin müxbiri

15,6

31.

Sarıyeva İradə Murad qızı

"Bakı-Xəbər" qəzetinin müxbiri

15

32.

Sultan Rüfət Nadir oğlu

"Mövqe" qəzetinin müxbiri

15

33.

Xankişiyeva İlhamə Əbülfət qızı

"Teleqraf.com" İnformasiya Agentliyinin müxbiri

15

34.

Qəribli Məhəmmədəli
Qərib oğlu

"Bakı-Xəbər" qəzetinin müxbiri

14,6

35.

İsmayılbəyli Süleyman Nəbi oğlu

"Olaylar" qəzetinin müxbiri

14,6

































Bu yazı 1035 dəfə oxunmuşdur.